Text Size

માલણ લાવે મોગરો રે

માલણ લાવે મોગરો

MP3 Audio

માલણ લાવે મોગરો રે,
કાચી કળીનો હાર;
આવતાં ભીંજે ચૂંદડી,
રણ મેઘ ન પડે ધાર.

રૂપલા કેરી ઊંઢાલણી રે,
સોના કેરી થાળ;
પીરસે પદ્મિની પાતળી રે,
તમે આરોગો નંદલાલ.

ચંદ્ર વિના શી ચાંદની રે,
દીવડા વિના શી રાત;
હરજી વિના શી ગોઠડી,
મારે જવું શામળિયા સાથ.

પાંચસાત ગોપીઓ ટોળે મળી રે,
ઊભી ચાંપલિયા હેઠ;
છેલ કાનુડો આવશે,
પેલી પાતલડીને ઘેર.

આંબુડો વાવે મલગુગડો,
જાંબુડો લહરે રે જાય;
ભલે મળ્યો મહેતા નરસૈંનો સ્વામી
મારી હૃદયા ટાઢી થાય.

- નરસિંહ મહેતા

Comments  

+1 #1 Upendra M. Varma 2013-05-30 08:44
Very good written by Pujya Shri Narshih Mehtaji.

Today's Quote

The flower which is single need not envy the thorns that are numerous.
- Rabindranath Tagore
Cookies make it easier for us to provide you with our services. With the usage of our services you permit us to use cookies.
Ok