Text Size

હાં રે વ્હાલા દ્વારિકાના વાસી

હા રે વ્હાલા દ્વારિકાના વાસી

MP3 Audio

હાં રે વ્હાલા દ્વારિકાના વાસી વ્હેલાં આવજો, તમો રાણી રુકિમણિ કેરા કંથ;
દુષ્ટ દુર્યોધન રે પાપી લાગ્યો પીડવા, ચૌદિશ નિહાળું તારો પંથ ... ટેક

સોડ વાળીને રે શું સુતો શ્યામળા, આળસ તજીને ઊઠો આજ;
લક્ષ્મીજી તલાશે રે પ્રભુ તારા પાવમાં, વ્હાલા તમો મહેર કરો મહારાજ ... ૧

ગ્રાહ મુખમાંથી રે ગજને મુકાવ્યો, કીધી એમ સુધન્વાની સહાય;
નૃસિંહ રૂપે રે હિરણાકંસ માર્યો, વ્હાલે ઉગાર્યો ભક્ત પ્રહ્લાદ ... ૨

છપ્પન કોટી રે યાદવ તારા રે, સંગે બલિભદ્ર સરખા ભ્રાત;
કાલિનાગ નાથ્યો ને જરાસંધ જીત્યો, તે બળ ક્યાં ગયું મહારાજ ... ૩

ધ્રુવને પ્રહ્લાદે રે ગર્ભમાં તપ કીધાં, તેને વ્હાલે આપ્યાં અવિચલ રાજ;
સાત વર્ષમાં રે હરિએ ગોવર્ધન કર ધર્યો, પૂર્યા વ્રજવનિતાના લાડ ... ૪

વસમી વેળાએ રે વ્હારે ચઢજો વિઠ્ઠલા, ધાજો તમે છત્રપતિ મહારાજ;
અસવારી કરજો રે વ્હાલા મારા ગરૂડની, નરસૈંયો વિનવે વારંવાર ... ૫

- નરસિંહ મહેતા

Comments  

0 #1 Kanubhai Patel 2016-12-22 14:12
ભજન સાંભળવા ખુબ ગમ્યા. આત્માને અસર કરનારા પણ ડાઉનલોડ થતા નથી કે મને આવડતું નથી. જો ડાઉનલોડ થતા હોય તો જણાવશો.

Today's Quote

You can get everything you want if you help enough others get what they want.
- Zig Ziglar
Cookies make it easier for us to provide you with our services. With the usage of our services you permit us to use cookies.
Ok