પ્રાર્થનાતણો ઉત્તર દો.
ઝંખે તેને જવાબ આપો, કાયમ શાંતિપ્રદાયક હો. ... પ્રાર્થનાતણો.
તલસાવો ના પ્રેમીજનને વધુવાર હવે જોજો હો;
કોચાંના લોચનને લોવા દોડી આવો તુર્ત તમો. ... પ્રાર્થનાતણો.
રોજ રોજ ખખડાવે દ્વારો તેને ના જ નિરાશ કરો;
છાયા માગે, આશ્રય ચાહે, તેને આશીર્વાદ ધરો. ... પ્રાર્થનાતણો.
તાપ શમાવો તપ્તજનોના, દર્દ બધાં દૂર કરી દો;
‘પાગલ’ પોકારે તે પહેલાં પ્રકટો, લેશ વિલંબ ન હો. ... પ્રાર્થનાતણો.
(૮-૭-૧૯૫૮, મંગળવાર)
– © શ્રી યોગેશ્વરજી