શ્રી રામકૃષ્ણ વંદના

શ્રી રામકૃષ્ણ ! વંદુ તમોને,
શ્રદ્ધાભક્તિ દો દર્શન અમોને.

અરજી કરેલી જૂની અમારી,
કૃપાની વર્ષા વરસો નિરાળી.

પરમાણુ પ્રાણના પ્રેમે ભરી દો,
ચંચળતા ચિત્તની સઘળી હરી લો.

મમતાને મારો, કરુણાથી તારો,
પંથ બતાવો પ્રગતિનો ન્યારો.

વૈરાગ્યનું દો દાન, દયાળુ !
તિમિર હૃદયનું હરજો અમારું.

કરુણા કરીને તાર્યા હજારો
વારો હવે છે આવ્યો અમારો.

શ્રીરામકૃષ્ણ ! વંદુ તમોને,
શ્રદ્ધાભક્તિ દો દર્શન અમોને.

- શ્રી યોગેશ્વરજી