શરણમાં જાય છે તેને સુખ સદા સાંપડે ભારે,
ચરણમાં જાય છે તેને સુખ સદા સાંપડે ભારે.
લગન દિલની લઈને જે બની ચાતક સમા તલસે,
અગનને શાંત કરનારી સુધાને પામતા પ્યારે.
તપન ધરતી તણી પેખી જુઓ વાદળ સદા વરસે,
શમન સૌ કલેશનું કરતા તપે જે કાળજા કયારે ?
સમર્પી મેળવી લે છે રડીને હર્ષ પામે છે,
મરણ મુખમાં જનારા પરમ જીવનમાં મહાલે છે.
શરણમાં જાય છે તેને સુખ સદા સાંપડે ભારે,
ચરણમાં જાય છે તેને સુખ સદા સાંપડે ભારે.
- શ્રી યોગેશ્વરજી