MP3 Audio
*
ફકત અમે પ્રેમના પૂજારી, અમે પ્રેમના પૂજારી.
પ્રેમની જ દુનિયામાં રમતા અમે થયા.
આંખડી જ્યારથી ઉઘાડી ... અમે.
પ્રેમભરી માતાએ પ્રેમભીના હાથથી
ગળથૂથી પ્રેમની પાઇ ... અમે.
પ્રેમની જ વાત અમે એકાકી જાણીએ,
પ્રેમ જ આલાપીએ, પ્રેમ જ પરમાણિયે,
મદિરા છે પ્રેમની પાઇ ... અમે.
પ્રેમનાં જ આંસુ ગણી ફૂલડાં ચઢાવીએ,
શીશ સદા પ્રેમદેવ-ચરણોમાં ઢાળિયે;
મસ્ત અમે 'પાગલ' પૂજારી ... અમે.
શાંતિ આનંદની અમારી પ્રસાદી,
એકરૂપ બનવું એ મિલકત અમારી,
ધન્યતાની વાત ક્યાં ગાવી .... અમે.
પૃથ્વી ને સૂર્ય ચંદ્ર ફરતાં આ થાકશે,
સાગર ને સંત કરી મર્યાદા ત્યાગશે;
પૂજા થશે નહીં ઠાલી ... અમે.
- શ્રી યોગેશ્વરજી