Sunday, June 07, 2020

અમર પાન

તારું સ્વર્ગીય સુખદ સંગીત સાંભળવા ઈચ્છનારે તો
આવવું જોઈએ મારા ઊંડા ઊંડા અનેરા અંતરમાં;
ત્યાં તારી સુંદર સિતારના સુમધુર સ્વર છૂટી રહ્યા છે.
ને તારું દર્શન-દેવદુર્લભ દર્શન-કરવા ચાહનારે
ઊતરવું જોઈએ મારા અસ્ખલિત આંસુપ્રવાહમાં;  
તેમાં તું તારા વદનકમળને રાતદિન ધોઈ રહ્યો છે.

આ જ તારું વિશ્રામસ્થળ છે
ને આ જ તારું સિંહાસન - મારું અંતરઆસન.
એના જેવી શાંતિ તને વૈકુંઠના અલૌકિક આસન પર
અથવા ક્ષીરસાગરની શેષશય્યા પર પણ નથી મળતી.
એ શાંતિનું મૂળ સંગ્રહસ્થાન - મારું અંતર - એ જ તારું આસન છે.

હું તને ક્યાંય જવા કે આવવા કહેતો નથી;
કેમ કે હું તારા પ્રેમની સાથે એકાકાર છું.
પણ તારી દશા એક અલિના જેવી છે.
મારા હૃદયકમળમાં સમાયેલી સ્નેહસુધાનો સ્વાદ
તને ત્રિભુવનમાં ને ત્રિકાળમાં ક્યાંયે મળ્યો નથી.
ને તેથી જ તું ત્યાંથી ખસી શકતો નથી.

કેવી છે આ પ્રેમની લીલા !
મારી પાસે મારું એવું કશું જ નથી રહ્યું.
પહેલાં હું પ્રેમનો હતો; પછી પ્રેમ મારો થયો. હવે ફક્ત પ્રેમ જ છે.
ને તે પ્રેમપ્યાલીને બંને હોઠે દબાવીને,
છાતી સાથે લગાવીને, હરેક ક્ષણે તું મસ્તીમાં મળી રહ્યો છે !

આ અમર પાન વિના સૃષ્ટિના સ્વામિત્વને તું શી રીતે સંભાળી શકત ?
ને તેના વિના તું પ્રભુ પણ રહી શકત ?
પરમેશ્વર થઈ શકત ?

- શ્રી યોગેશ્વરજી

Add comment

Security code
Refresh

Today's Quote

Love is the only reality and it is not a mere sentiment. It is the ultimate truth that lies at the heart of creation.
- Rabindranath Tagore

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok