Wednesday, September 30, 2020

અંતરનો અનુરાગ

અંગ છે ઉપવાસથી આ ખૂબ કૃશ થયું

અંગ છે ઉપવાસથી આ ખૂબ કૃશ થયું,
નિર્બળ બન્યું, વિરહ વેઠી વ્યથિત છેક થયું;
તોય ચિંતા ના ટળી, ના મિલન મધુર થયું,
હૃદય નીરસ, રુદનથી ભર, આ અનાથ રહ્યું !

હિમાલયના દિવ્ય દેશે આજ તપતો હું,
દૂર ગુર્જર દેશની ક્ષણવાર યાદ કરું;
ગામમાં ત્યાં શાંત માતાજી હશે બેઠાં,
પ્રેમની પ્રતિમાસમાં મંગલ બની બેઠાં.

ખૂબ તે ઉપવાસની ચિંતા હતાં કરતાં,
નિરખતાં મારી વ્યથા ને વેદના ધરતાં;
પ્રેમ એવો હતો મારે કાજ અંતરમાં,
જતાં મૂક જલી મને દેખી કદી દુઃખમાં.

યાદ કરતાં વાત એ હૈયું દ્રવે મારું,
કદી ભાવવિભોર બનતાં આંસુ બે સારું;
તમે જગદંબા કહેવાઓ જગતજનની,
છતાં ચિંતા લાગણી કાં નથી નિજ જનની ?

કહે ‘પાગલ’ નામ છે મોટું તમે ધાર્યું,
કરો સત્વર સાર્થ તે દળદર હરી મારું.

- © શ્રી યોગેશ્વરજી

Comments  

0 #1 mir Rajeshkumar Kara 2019-06-26 14:44
સૌ પ્રથમ તમારા ચરણોમાં ભાવપુર્વક મારા વંદન,
ધ્યાન માર્ગે માં ગુરુજીના માર્ગદર્શન વગર આગળ વધવામાં કોઈ મુશ્કેલી આવે ખરી? એવી કોઈ મુંઝવણની/ભટકાવન ી કોઈ સમસ્યા આવે ખરી? મારા વાંચવામાં આવેલું કે પાગલપનની આવવાની શકયતા રહેલી છે? યોગ માર્ગમાં શરુઆત થી લઈ યોગની છેલ્લી અવસ્થા સુધીના આપના અનુભવો કહેવા આપને નમ્ર વિનંતી છે.

Today's Quote

There is no pillow so soft as a clear conscience.
- French Proverb

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok