મારો દેશ ખરેખર મોટો.
કુદરત એની કેવી સુંદર, જનતા ને કેવી ?
શાસ્ત્રો એનાં ઉત્તમ કેવાં ? ધરતી મધુ એવી.
એનો જડે ના જગમાં જોટો. ...મારો દેશ.
નદી તેમ પર્વત મેદાનો, વૃક્ષ વળી વેલી
વિવિધ રંગના પંખી કેવાં, કરી રહ્યાં કેલિ ?
એનો પાડે કોણજ ફોટો ? ...મારો દેશ.
એનું ગૌરવ રોજ કરું ને, એને હું પૂજા;
સ્વર્ગતણું ના ખરે બારણું, જગતમહીં દૂજું
એ વિચાર છે ના ખોટો. ...મારો દેશ.
એને માટે કુરબાન બનો, કરતાં શ્રમ ભારે;
સ્વાર્થત્યાગ જો કરો બધા તો, દરિદ્રતા હારે.
ના રહે પછી કૈં તોટો. ...મારો દેશ.
- શ્રી યોગેશ્વરજી