મુસાફરી, મુસાફરી, એક નવી છે મુસાફરી.
દેશ બધોયે બેઠો થાયે, શાંતિ સૌને મળે ખરી;
સૌને સુખ હો, દૂર દુઃખ હો, તે માટેની મુસાફરી. ... મુસાફરી
ગઈ ગુલામી પાછી ના’વે, રોજી સૌને રહે મળી;
માનવ સાચા બને બધાયે, તે માટેની મુસાફરી ... મુસાફરી
શિક્ષણ ને સંસ્કાર બધે હો દર્દ બધાંએ રહે ટળી;
એ માટેની કૂચ કરે સૌ, તે માટેની મુસાફરી ... મુસાફરી
હડધૂત રહે કોઈયે ના, દબાયલાં કે દીન વળી;
અનીતિ કે અન્યાય રહે ના, તે માટેની મુસાફરી ...મુસાફરી
સહકાર કરો સૌએ એમાં વાત કહી છે આજ ખરી;
કાયાપલટ થઈ તો જાયે, પૂરી થાયે મુસાફરી ... મુસાફરી
- શ્રી યોગેશ્વરજી