બીક હવે તો ગઈ !

બધીયે બીક હવે તો ગઈ !

ચોર ડાકુ કે દુશ્મન સામે,
પ્રજા સુતેલી જે આરામે
જાગી આજે, હિંમતથી ને
લડવા એક થઈ ! ... બધીયે

હિમગિરિ કેરાં શ્રૃંગો પરથી,
દુશ્મનદળ આવેલાં ઉમટી;
મારી હઠાવવાને દોડ્યાં
સર્વે સાદ દઈ ! ... બધીયે

દેશપ્રેમથી પ્રાણ ભરીને,
ભ્રાંતિ બધીયે દૂર કરીને,
રક્ષા કાજે લડવા લાગી
જનતા શપથ લઈ !  ... બધીયે

ગુલામ કોઈ કરી ન શકશે,
આઝાદી ભારતની ટકશે;
પ્રતીતિ એવી દુશ્મનને પણ
લડતાંવેંત થઈ ! ... બધીયે

- શ્રી યોગેશ્વરજી