Sunday, September 27, 2020

પ્રભાતની પ્રાર્થના

સંસારમાં શાંતિ, સંપ, સમજુતી ને સહકારની ભાવના ફરી વળે, ને અશાંતિ ને ભેદભાવનો અંત આવે. હે પ્રભુ, શોષણ, સત્તાખોરી, ને સીતમનો અંત આવે!

પૃથ્વીમાં પ્રેમ, પવિત્રતા, ને પ્રજ્ઞાનો પ્રચાર થાય, ને વેર ને ભયનો અંત આવે. હે પ્રભુ, ધિક્કાર ને અહંકારનો અંત આવે!

યુદ્ધની શક્યતા સદાને માટે દૂર થાય, કંગાલિયતનું દફન થાય, ને પરાધીનતાનો અંત આવે. હે પ્રભુ, પદદલિત પ્રજાનાં દુઃખોનો અંત આવે!

સત્યની સાધના ને આત્માની આરાધનામાં લોકો લાગી જાય, ને વિચાર, વાણી ને વર્તનમાં એક થાય!

એવો અવસર આ અવનીમાં વહેલામાં વહેલો આવે, હે પ્રભુ, પૃથ્વીમાં એ પાવન પ્રભાત વહેલામાં વહેલું પ્રગટે!

જગતના શાંતિમંદિરની નવરચનામાં મારું જીવન પણ પોતાનો નમ્ર ફાળો ધરે, મારી મારફત પણ તમારી શક્તિ કામ કરે. હે પ્રભુ, મારી મારફત તમારી શક્તિ કામ કરે!

 - શ્રી યોગેશ્વરજી

Add comment

Security code
Refresh

Today's Quote

Happiness is a perfume you cannot pour on others without getting a few drops on yourself.
- Anonymous

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok