Friday, September 18, 2020

અનિત્યતા

ચાર મહિના મૃત્યુને આજે થયા
તમારા તે ચાર યુગ જેવા ગયા,
સ્મૃતિ તમારી ચિરંજીવ રહી બની,
વેદનાની વાત અંતરમાં વણી
અમે કર્તવ્યો કર્યાં, કરતાં રહ્યાં
કિન્તુ પળ પણ ના તમોને વિસ્મર્યાં.

મૃત્યુની ઘટના અવનવી વિશ્વમાં
પાડતી પડદો પ્રબળતમ કાળનો,
જનાર પાછું ફરે ના રૂપ એ,
રંગ ના દેખાય પાછો જીવને,
માહિતીના તાર સઘળાં તૂટતા
થયેલા સંપર્ક સત્વર છૂટતાં,
અરે વિધિની એય કેવી ક્રૂરતા
જેમને સર્જે વિસર્જન એમનું
કરે ઇચ્છા કે અનિચ્છાથી સદા
દીસતી એ અલ્પ ના નિષ્ઠુરતા.

ચાર મહિના મૃત્યુને આજે થયા
કિન્તુ બીજા જગતમાં જનમ્યાં તમે
ચાર મહિના લાગતાં એને થયા;
જન્મ ને મૃત્યુતણી લીલા સતત
દેખતાં સુણતાં સમજતાં મોહને
મટાડે ના એમની આવે દયા.

આ અનિત્ય જગતમહીં તારક મરે,
એક સ્થળમાં રહી ના શકતી હવા.

 - શ્રી યોગેશ્વરજી

Add comment

Security code
Refresh

Today's Quote

If you think you're free, there's no escape possible.
- Ram Dass

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok