Text Size

અમર જીવન

જ્યોતની મદદથી જ્યોત જાગી ગઇ
મંદિરે અંધકારે અનેરી,
લીન પાછી થઇ મૂળ એ જ્યોતમાં
સ્થિરતાથી પ્રકાશી ઘણેરી.

વીચિમાળા થઇ શાંત અર્ણવમહીં
ભિન્ન ભાસી છતાંયે અભિન્ન,
સ્વલ્પ ક્રીડા કરી હર્ષ ઉત્તમ ધરી
શાંતિ પામી બનીને વિલીન.

અગ્નિજ્વાળાથકી દીપ્ત અંગારની
સૃષ્ટિ સુંદર થઇ સહજ ન્યારી,
અગ્નિજ્વાળામહીંને સમાઇ ગઇ
સૂર્યનાં કિરણ જ્યમ સૂર્યમાંહી.

જ્યોતમાંથી થઇ જ્યોત જ્યોતે મળી
માત જ્યોતિર્મયી એ તમારી;
અન્ય દુનિયાથકી પધારી પાછાં ફર્યાં
ત્યાં જ દુનિયા તજીને અમારી.

વીચિશાં સિંધુમાં અગ્નિઅંગારશાં
રશ્મિશાં સૂર્યકેરાં પ્રતાપી,
પદ્મ ખીલ્યું હસી પાંખડી બે ઘડી
ને થયું બંધ સંધ્યા નિહાળી.

મૃત્યુ એને કહ્યું અજ્ઞ કોઇ જને,
મૃત્યુને સ્થાન જીવનમહીં ક્યાં;
એક જીવનથકી અન્ય જીવનમહીં
પૂર્ણ પ્રજ્ઞા સજીને પ્રવેશ્યાં.

ચેતના ચેતના જિંદગી જિંદગી
સિંધુમાં મારતાં ત્યાં હલેસાં.

 - શ્રી યોગેશ્વરજી

Add comment

Security code
Refresh

Today's Quote

Life can only take place in the present moment. If we lose the present moment, we lose life.
- Buddha

prabhu-handwriting

Cookies make it easier for us to provide you with our services. With the usage of our services you permit us to use cookies.
Ok