કોઈ આપણું બગાડતું હોય કે ના બગાડતું હોય પણ આપણને કોઈના પ્રત્યે દ્વેષ ન થવો જોઈએ. આપણે કોઈનું બુરું ન કરીએ અને કોઈ બુરું કરતું હોય તેને સહયોગ ન પ્રદાન કરીએ. આપણે કોઈની પ્રશસ્તિ ન કરી શકીએ પણ કોઈ કોઈની નિંદા કરતું હોય તો આપણે એને સમર્થન ન આપીએ. આપણે કોઈ સત્કર્મ ન કરી શકીએ પણ કોઈ સત્કર્મ કરતું હોય તેના માર્ગમાં ન આવીએ અને તેને પ્રોત્સાહન પ્રદાન કરીએ. જીવનમાં આપણે આટલું પણ કરી શકીએ તો ઘણું છે.