MP3 Audio
*
હે જ્ઞાનેશ્વર હે ધ્યાનેશ્વર,
હે યોગેશ્વર સંયોગેશ્વર
પ્રણામ શતશત હો તમને;
અનુગ્રહનું અમૃત વરસાવી
આજ કૃતાર્થ કરો અમને .. હે જ્ઞાનેશ્વર
મહિમા સુણી તમારો આવ્યાં
દૂર દૂરથી અમે અહીં,
ગુણ સંકીર્તન શ્રવણે મનને
હૈયું હાથ શક્યું ન રહી.
વિલંબ ના જ કરો વેળાસર
સત્કારો સપ્રેમ હવે ... હે જ્ઞાનેશ્વર
લૌકિક નથી લાલસા કોઇ,
આશ પારલૌકિક પણ ના;
વિવેક ને વૈરાગ્ય દાન દો,
પ્રેમ પવિત્ર સનાતન હો,
સિદ્ધિ શિખર સર કરી આતમ
રંગમહીં રસરાજ રમે ... હે જ્ઞાનેશ્વર
વાસના ન હો ક્ષુલ્લક મનમાં,
આત્માના અનુસંધાને;
જીવન ઉજવે ઉત્સવ નિશદિન,
પરિપ્લાવિત બનતાં ગાને.
વરસો સંજીવન રેલી દો
પ્રકાશ તરવાને તમને ... હે જ્ઞાનેશ્વર
- શ્રી યોગેશ્વરજી
Comments
પૂજ્ય પ્રભુ દ્વારા રચિત આ ગીત મને ખૂબ જ ગમે છે અને પૂજ્ય માના સુમધુર સ્વરમાં વારંવાર સાંભળું છું. તેમાં હે જ્ઞાનેશ્વરના બદલે હે જ્ઞાનેશ્વરી થઈ ગયું અને સ્વર્ગારોહણની મુલાકાત પછીના મનના ભાવો પણ એમાં ઝીલાયા એટલે સહજ રીતે જ એ પૂજ્ય માની પ્રાર્થનામાં પરિવર્તિત થઈ ગઈ!
હે જ્ઞાનેશ્વરી હે ધ્યાનેશ્વરી,
હે યોગેશ્વરી હે સર્વેશ્વરી
પ્રણામ શતશત હો તમને;
અનુગ્રહનું અમૃત વરસાવી
આજ કૃતાર્થ કરો અમને .. હે જ્ઞાનેશ્વરી..
મહિમા સુણી તમારો આવ્યાં
દૂર દૂરથી અમે અહીં,
ગુણ સંકીર્તન શ્રવણે મનને
હૈયું હાથ શક્યું ન રહી.
વિલંબ ના જ કરો વેળાસર
સત્કારો સપ્રેમ હવે ... હે જ્ઞાનેશ્વરી
લૌકિક નથી લાલસા કોઇ,
આશ પારલૌકિક પણ ના;
વિવેક ને વૈરાગ્ય દાન દો,
પ્રેમ પવિત્ર સનાતન હો,
સિદ્ધિ શિખર સર કરી આતમ
રંગમહીં જગદંબ રમે ... હે જ્ઞાનેશ્વરી
વાસના ન હો ક્ષુલ્લક મનમાં,
આત્માના અનુસંધાને;
જીવન ઉજવે ઉત્સવ નિશદિન,
પરિપ્લાવિત બનતાં ગાને.
વરસો સંજીવન રેલી દો
પ્રકાશ તરવાને તમને ... હે જ્ઞાનેશ્વરી