Saturday, June 06, 2020

સ્વાતિબિંદુ

તમારા સ્વર્ગીય સિંહાસન પરથી નીચે ઊતરીને સંસારને સુખી ને સમૃદ્ધ કરવા માટે મહેનત કરનારા આ દેશવાસીની સાથે, સંસારના સઘળા સેવકોની સાથે, સેવાના સમરાંગણમાં આવો, એમને આશિષ આપો, એમના પરિશ્રમનો પ્રસ્વેદ દૂર કરો, ઓ મારા પ્રેમમય ! એમને સફળ કરો !

ક્યાંક આંસુની ઉજાણી થાય છે, ને ક્યાંક પીડાનો પારાવાર પ્રકટે છે. ક્યાંક મૂંઝવણનું મંથન ચાલે છે, ને ક્યાંક અનીતિ, અન્યાય તથા તાપનું તાંડવ થાય છે. એ સૌની વચ્ચે સ્મિત કરતાં, દર્દીને દિલાસો દેવા ને લહાવો લેવા પ્રકટ થાવ, ઓ મારા આનંદમય ! પ્રકટ થાવ !

મનુકુલના મહામંથનને સફળ કરો; જરી જેટલા ઝેરથી જડ બનેલા જગતને જીવનનું દાન દો ! અવની આખી એક થાય, સ્નેહ, સહકાર, શાંતિ ને સમૃદ્ધિનું ગીત ગાય, એવો આશીર્વાદ દો !

તમારા સ્વર્ગીય સિંહાસન પરથી નીચે ઊતરીને સંસારને સુખી ને સમૃદ્ધ કરવા માટે મહેનત કરનારા માનવોની સાથે શ્વાસ લો, એમને સફળતા દો !

(૨૨-૧-૧૯૬૦, ગુરુવાર)

-© શ્રી યોગેશ્વરજી (સ્વાતિબિંદુ)

Add comment

Security code
Refresh

Today's Quote

You must not lose faith in humanity. Humanity is an ocean; if a few drops of the ocean are dirty, the ocean does not become dirty.
- Mahatma Gandhi

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok