Wednesday, October 21, 2020

સ્વાતિબિંદુ

વસંતની લલિત લહરી ચારેકોર ફરી રહી હતી ત્યારે દૂર દેશના એ જિજ્ઞાસુ પ્રવાસી મારી પાસે આવી પહોંચ્યા ને મને પૂછવા માંડ્યા : પ્રભુ, જરા સમજાવશો, કહી બતાવશો, જીવન હો તો કેવું હો ?

મેં તેમને જરા ધીરજ ધરવા કહ્યું.

થોડીવારે પ્રતીચીના પડદા પાછળથી સૂર્યોદય થયો; એનાં કોમળ કિરણ બધે કેલિ કરતાં ફરી રહ્યાં; મારા મકાનની સમીપના સરોવરનાં કોટિ કમલો ખીલી ઊઠ્યાં. ભમરાઓએ એનો ઉત્સવ કર્યો, ને પંખી એ જોઈને પોકારી ઊઠ્યાં.

મધમાખી, ફોરમવંતાં ફૂલ પર ફરતાં મધુનો સંચય કરવાના કામમાં લાગી ગઈ.

રાત પડી ત્યારે સમસ્ત સૃષ્ટિ સૂઈ ગઈ પણ સુધાકરની સાધના ચાલુ જ રહી. અંધકારમાં પણ અજવાળું ભરતી એની આરાધના ચાલુ જ રહી.

કુદરતની કળા તરફ અંગુલિનિર્દેશ કરીને એમને મેં કહ્યું: જીવન હો તો આવું જ હો, જિજ્ઞાસુ પ્રવાસી, જીવન હો તો ખરેખર આવું જ હો !

(૩-૫-૧૯૬૦, મંગળવાર)

-© શ્રી યોગેશ્વરજી (સ્વાતિબિંદુ)

Add comment

Security code
Refresh

Today's Quote

Life can only take place in the present moment. If we lose the present moment, we lose life.
- Buddha

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok